My App is available, click to download 👉🏻 Download App
Yagnik Raval

યાજ્ઞિક રાવલ



જીવનમંચ પર માનવ કરે અભિનય !

જીવનમંચ પર માનવ કરે અભિનય !
અહીં સત્યને ભૂલી ,મિથ્યાને દર્શાવાય.

કોઈ દુઃખ છુપાવે, કોઈ સુખને સજાવે,
ચહેરા પરના હાસ્ય પાછળ રુદન સંતાડે!

કોઈ સુખના સરનામે અશ્રુઓ છલકાવે,
કોઈ અશ્રુઓના આંગણે ખુશી દેખાડે !

એક કે એકાધિક પાત્રનું કરે અભિનય,
ના જાણે કોઈ કલા છતાં કરે અભિનય !

સંબંધોનું તો અહીં વિસ્મરણ થાય,
લાગણીઓનું પણ મૂલ્ય ના સચવાય !

મુખોટું પહેરી અહીં અસલતા છુપાવાય,
જીવનમંચ પર અકારણ થાય અભિનય !

'યારા' અરીસામાં જોશે એ પોતાનો ચહેરો,
"હું"ને શોધશે પણ "હું" ક્યાંય નહિ દેખાય !


~ યાજ્ઞિક રાવલ ✍🏻


(૧૧/૦૩/૨૦૨૫)

About the Author

નમસ્તે, હું છું યાજ્ઞિક રાવલ.. અને Yagnik-Raval.blogspot.com એ મારો વ્યક્તિગત બ્લોગ છે.. તો જોડાયેલા રહો મારી સાથે... ધન્યવાદ

Post a Comment

Oops!
It seems there is something wrong with your internet connection. Please connect to the internet and start browsing again.