મસ્તક નમાવ્યું તે ઇશ્વર આગળ...

હવાના મેદાનમાં ફરી જંગ જામ્યો છે,

ફરી એકવાર ઉત્સવ પતંગનો આવ્યો છે !

ગગનમાં દોરીની ખેંચતાણ ચાલે છે,

પતંગ આભલાને સ્પર્શવા માગે છે !

કોઈ જીતે તો કોઈ હારે આ જંગમાં,

પણ આનંદ ઉમટે સૌના હૈયામાં !

'એ કાપ્યો' જેવા શબ્દો અથડાય કાને,

હવાના મેદાનમાં પતંગનો જંગ ચાલે !

સૂર્યોદયથી સૂર્યાસ્ત સુધીનો પતંગનો તહેવાર,

અંતે તો આપણને પણ કંઇક શીખવી જાય !

માનવજીવન પણ લાગે પતંગ જેવું જ "યારા",

આપણે હોઈએ પતંગ, દોરી સમયના હાથમાં !

~ યાજ્ઞિક રાવલ ✍🏻