મસ્તક નમાવ્યું તે ઇશ્વર આગળ...

કેટલાક લોકો એવા પણ છે,

જે માનવતાની સીમા ઓળંગી જાય છે !

મૃગજળની જેમ તે,

આજની નારીને છેતરી જાય છે !

કેટલીય દ્રૌપદીના ચીરહરણ થાય છે !

ખેંચાય છે તમારા વસ્ત્ર,

દ્રૌપદી ઉઠાવો હવે શસ્ત્ર !

યુધિષ્ઠિરના સત્યને શસ્ત્ર બનાવીને,

સાચવો પોતાના સન્માનને !

ઉઠાવો અર્જુનનું ગાંડીવ ધનુષ્ય,

ને હણી નાખો દુષ્ટ મનુષ્ય!

ઉઠાવો ભીમની ગદા,

કરો વધ ,જે ભૂલ્યું મર્યાદા !

ઉઠાવો નકુલ-સહદેવની તલવાર,

ને કરો દુષ્ટો પર પ્રહાર !

ઉઠાવો શ્રીકૃષ્ણનું સુદર્શન,

છીનવી લો દુષ્ટોનું જીવન !

દ્રૌપદી ઉઠાવો હવે શસ્ત્ર,

ને શરૂ કરો મહાભારત !

~ યાજ્ઞિક રાવલ ✍🏻